# As Administracións Públicas que favorecen uns salarios mediocres

![](/files/-LFq1zNE0KYTRmnV6DKe)

## As Administracións Públicas que favorecen uns salarios mediocres

De todos é sabido que as Administracións Públicas (AAPP) son grandes consumidoras de tecnoloxía e por tanto grandes cliente para todo tipo de empresas consultoras que participan en concorrencia competitiva para ser beneficiarias dun contrato.

Participar nun concurso non é tema baladí para aquelas que se inician nestes trámites. Solicítase información de todo tipo, como é lóxico, en referencia á **solvencia técnica e económica**. Estes requirimentos son necesarios para determinar se unha entidade que se presenta a un concurso é capaz de executar o contrato con suficientes garantías.

Todo parece normal ata que se **prostitúe a interpretación da lei de contratación pública**.

![Autoría: skeeze - CC0 Creative Commons - https:// pixabay. com/é/astronauta-do-transbordador-espacial-613045/](/files/-LFq3Mh41npdvJfLaPua)

**As AAPP piden o ouro e o mouro** nos Pregos solicitando perfís de persoas como quen pide astronautas.\
As consultoras estarían encantadas se non fose porque non lles sae a conta ao facer números e vense forzadas a baixar salarios.

Falei con varios directivos de consultoras e **esta situación é demencial e repítese unha e outra vez**, orixinada polas AAPP e os seus criterios de valoración baseados case en exclusiva no **menor prezo ofertado**. Digo case en exclusiva porque aínda que hai criterios subxectivos que ponderan, as mesas de contratación non se mollan e valoran case equitativamente todas as ofertas que se presentan, dando como único valor de diferenza o prezo, **o custo da carne**.

![Autoría: mohamed\_ hassan - CC0 Creative Commons - https:// pixabay. com/é/salario-pago- donaci% C3% B3 n-3038325/](/files/-LFq3ds06XzSaXodKC18)

Esta baixada de salarios lévanos ao **cancro do emprego en Galicia**, a fuga de talentos que non ven suficientemente valorados e emigran para traballar en empresas estranxeiras. Xa ocorreu fai menos dunha década e volverá ocorrer.

Ante esta situación vexo tres posibles solucións:

1. Unha é que o empregado público se molle nas mesas de contratación e **valore a parte subxectiva dándolles maior peso**. Isto é un seguro de calidade. Unha boa memoria do proxecto, unha boa descrición das actividades para realizar e unha boa xestión do proxecto deberían contar, e moito.
2. A outra opción é que as consultoras **pactasen un prezo de saída** para os perfís polo que xa non sería decisivo o prezo únicamente e as AAPP veríanse forzadas a valorar máis a parte subxectiva. Tal vez soe a **prevaricación**... pero podería ser interesante para **protexer os intereses dos seus empregados** nas consultoras garantindo uns salarios dignos.
3. Por último comentarei unha solución á fuga de talentos e salarios mediocres... **Buscarlle unha parella a ese talento para que non pense en marcharse e aguante a mecha aquí**. Esta última opción non é colleita miña pero é orixinal e perfectamente válida.

## [Seguinte artigo](/xeracion-gnu-01/persoas-que-difunden-a-cultura-libre-francisco-estrada.md)


---

# Agent Instructions: Querying This Documentation

If you need additional information that is not directly available in this page, you can query the documentation dynamically by asking a question.

Perform an HTTP GET request on the current page URL with the `ask` query parameter:

```
GET https://xeracion-gnu.gitbook.io/xeracion-gnu-01/a-aapp-que-favorece-uns-salarios-mediocres.md?ask=<question>
```

The question should be specific, self-contained, and written in natural language.
The response will contain a direct answer to the question and relevant excerpts and sources from the documentation.

Use this mechanism when the answer is not explicitly present in the current page, you need clarification or additional context, or you want to retrieve related documentation sections.