Editorial
Editorial sonora onde falamos do sentido da creación desta publicación e dos contidos que imos atopar no número 00
Last updated
Editorial sonora onde falamos do sentido da creación desta publicación e dos contidos que imos atopar no número 00
Last updated
Xeración Ñu nace coa idea de dar a coñecer e profundizar no mundo da cultura libre galega, tratando temas relacionados con este concepto, como son: o software libre, o hardware libre, contidos baixo licenzas Creative Commons, e sen olvidarse das persoas e grupos que traballan e colaboran nestes campos.
Xeración Ñu é unha publicación dixital, pero sobre todo punto de encontro de persoas con ganas de dar a coñecer estes mundos libres, e con inquietudes diversas como son a música, a fotografía, a pintura, a creación audiovisual, o mundo empresarial, a programación, a robótica e un longo etcétera.
Os contidos de Xeración Ñu están liberados coa licenza libre Creative Commons Atribución - Compartir Igual, polo que sodes libres de utilizalos para o que vos pete, mencionando sempre a autoría e publicando a nova obra baixo o mesmo tipo de licenza.
Neste número 0 a modo de presentación, atoparemos unha breve historia sobre o movemento GNU, analizamos o mundo empresarial que usa software libre, coñecemos o evento máis importante galego relacionado coa linguaxe de programación R, investigamos cal é a mellor licenza libre para os programadores. Coñecemos un podcaster que difunde a cultura libre, aprendemos sobre o xogo Go, empezamos unha serie de artigos para liberar o teu smartphone e outra serie sobre edición de son en linux, liberamos varias obras fotográficas e artísticas e o máis importante, empezamos a coñecer o fantástico equipo de redactores que está detrás de Xeración Ñu.
Editor J.L.
